Lulzim Basha e ka gjunjëzuar PD dhe e ka shpartalluar atë
Kështu ka deklaruar ish deputetja e PD, Jozefina Topalli në konferencë për mediat ku akuzoi Bashën se ka hapur një garë të rreme për kryetar partie.
“Gara është e rreme. Procesi bëhet antistutor, ai po kërkon të mbajë peng partinë, dhe ti shmanget dhënës llogari.
Demokratët nuk ia falin kurrë edhe sikur të manipulojë rezultatin. Basha është katastrofa e Partisë Demokratike, për taktikat e ngritura. Ai rrëzoi PD-në , dhe i dha ndihmën më të mëdha Ramës, bashkëpunëtorit të tij të natës. Ringritja e PD nis vetëm me largimin e Bashës. Ai kërkon të manipulojë procesin duke shkelur statusin dhe forumet e PD,” u shpreh Topalli.
Topalli tha se Basha do të provojë zemërimin e demokratëve nëse nuk pranon të çlirojë partinë nga pengmarrja.
“Nuk pranon barazi në garë. Nuk pranon rregulla të barabarta, nuk pranon konkurrentë idesh e personalitetesh. Nuk pranon debat. Basha tmerrohet nga forumi se tmerrohet nga e vërteta. Ne kërkojmë një garë të barabartë, rregulla të ndershme, proces të hapur, konkurrencë të vërtetë, ballafaqim e debat. Këto janë kushte të panegociushme. I bëj thirrje Bashës të çlirojë pengmarrjen e partisë para se të provojë zemërimin e demokratëve. U bëj thirrje demokratëve të bëhemi bashkë të mbrohemi nga pengmarrësit. I them që është koha të mbrojmë të drejtën tonë për të mbrojtur demokracinë dhe vlerat demokratike që na lidhin prej dekadash,” tha Topalli.
