Kancelarja Angela Merkel voton kundër ligjit të martesave të të njejtit seks në Gjermani.
Merkel ka theksuar bindjen se “martesa është midis një burri dhe një gruaje”.
“Për mua, martesa sipas ligjit gjerman është midis një burri dhe një gruaje dhe prandaj nuk votova sot në favor të këtij ligji. Shpresoj që votimi i sotëm të promovojë jo vetëm respektin midis opinioneve të ndryshme, por edhe të sjellë më shumë kohezion social dhe paqe“, shtoi kancelarja.
Në vitin 2013 Kancelarja qe shprehur gjatë fushatës elektorale se e ka të vështirë ta pranojë njohjen e partneritetit mes një çifti homoseksual si të barabartë me martesën e një çifti burrë e grua.
Pavarësisht kundërshtisë së saj, Bundestagu votoi për të legalizuar martesën gay me 393 vota për 226.
