Kreu i Kuvendit, Ilir Meta ka votuar paraditen e sotme së bashku me bashkëshorten e tij, Monika Kryemadhi, si edhe vajzën e tyre të madhe, e cila voton për herë të parë në zgjedhjet e 25 qershorit 2017.
“Sot duhet të jetë dita e qytetarëve. Votoni kundër kujtdo që bën presion për votën. Votoni kundër atyre që duan të blejnë të ardhmen tuaj. Liria nuk ka çmim, e ardhmja e fëmijëve tuaj nuk ka çmim. Ata që dërgojnë sekserë për të blerë vota, të ndëshkohen. Votoni kundër presioneve të lirisë”, u shpreh Meta pas votimit.
