Ministrja e Integrimit Europian, Klajda Gjosha u bën thirrje të gjithë qytetarëve të denoncojnë rastet e evidentuara të përfshirjes së punonjësve të administratës publike në procesin zgjedhor.
“Kjo thirrje shkon për administratën në varësi të kësaj ministrie, që sipas saj mund të kryejnë veprime në kundërshtim me legjislacionin dhe aktet nënligjore në fuqi gjatë procesit zgjedhor për zgjedhjet në Kuvendin e Shqipërisë për vitin 2017”- shprehet ministrja Gjosha, e cila vjen nga rradhët e LSI-së.
Nesër, më 25 qershor mbahen zgjedhjet e përgjithshme parlamentare në të gjithë vendin. Zyra e zëvendëskryeministres Ledina Mandija deklaroi më herët se qytetarët mund të bëjnë denoncimet e tyre në portalin elektronik zyrtat të kësaj zyre, përkatësisht në rubrikën: Task Forca për zgjedhjet 2017.
Ndërsa drejtori i policisë së shtetit Haki Çako tha se janë marrë të gjitha masat e nevojshme për mbarëvajtjen e të gjithë procesit, që sot deri ditën e hënë.
