Kandidati brenda republikanëve, për President të SHBA-ve, Donald Trump, e ka cilësuar gabim, bombardimin e Serbisë në vitin 1999 kur ishte president Bill Clinton. Bombardimet në Serbi çuan në çlirimin e Kosovës.
Në një intervistë me Larry King, me rastin e përvjetorit të bombardimit të Serbisë Trump i ka cilësuar serbët aleatë të Shteteve të Bashkuara të Amerikës në dy Luftrat Botërore.
“Clinton-ët kanë bërë një rrëmujë të madhe në Ballkan dhe Kosovë. Shihni çfarë i bëmë Serbisë me bombardimet ajrore.
Po atyre serbëve që shpëtuan pilotët amerikanë në Luftën e Dytë Botërore. Bëmë gabim që bombarduam një komb që ka qenë aleati ynë në dy luftëra.
Ata besojnë se kjo ka qenë sukses, por mua më duket e turpshme. Unë u kërkoj falje të gjithë serbëve për politikat amerikane, kryesisht ato të Clinton-it.
Ne kemi nevojë për aleatë në luftën kundër terrorizmit islamik që kanë përvojë luftarake në luftimin e të keqes dhe në Evropë aleatët janë rusët dhe serbët.
Nëse unë të bëhem president i Amerikës politika e jashtme do të ndryshojë rrjedhën që deri më tani ka qenë e gabuar”, tha Trump.
