Procedohet penalisht në gjendje të lirë shefja e Burimeve Njerëzore pranë Drejtorisë së Shëndetit Publik, në Kolonjë pasi është akuzuar se ka dhunuar shefen e Fianancës së këtij institucioni.
Shtetësja Dorina Tallo, 30 vjeçe, banuese në Ersekë ka dhunuar fizikisht shefen e Financës, Kristina Stoja. Shkak për këtë përplasje dyshohet të jenë bërë bindjet politike.
55 vjeçarja Stoja mësohet se është anëtare e Lëvizjes Socialiste për Integrim. Tallo, e cila mban detyrën e shefes së Burimeve Njerëzore në këtë Poliklinikë, thuhet se e ka kërcënuar 55 vjeçaren Stoja me largim nga puna, nëse ajo nuk votonte Partinë Socialiste.
Debati mes dy grave ka degjeneruar në dhunë fizike. 30 vjeçarja Tallo mësohet se e ka dhunuar fizikisht Stojën, duke i shkaktuar asaj shenja në fytyrë e duke i thyer syzet optike.
