Zëvendëskryeministrja Ledina Mandija i ka kërkuar Ministrit të Transportit dhe Infrastrukturës, Sokol Dervishaj, shkarkimin nga detyra të Drejtorit të Drejtorisë së Përgjithshme Detare, Gazmir Tahiri.
“Drejtori ka vënë në dispozicion të një subjekti elektoral mjete, të cilat janë pronë e administratës shtetërore”, është shprehur zvkryeministrja duke kërkuar shkarkimin e tij.
Sipas informacionit të provuar me pamje filmike nga Porti i Vlorës ka dalë për lundrim një anije, e cila është pronë e kapitenerisë së porteve, në të cilën disa të rinj, simpatizantë të një subjekti politik në praninë e një kandidat për deputet, propagandojnë dhe manifestojnë me simbole partiake.
Zëvendëskryeministrja i kërkon Ministrit Dervishi të marrë masa në mënyrë të menjëhershme si dhe referimin e rastit pranë organeve të Prokurorisë së Përgjithshme.
