Amerika mbetet një nga destinacionet më të preferuara të shqiptarëve, kjo edhe për shkak të mundësive që ky vend jep. Një fakt i tillë bën që Ambasada e Shteteve të Bashkuara të Amerikës të informojë në mënyrë të vazhdueshme shqiptarët mbi hapat që duhet të ndjekin nëse aplikojnë për vizë apo fitojnë Lotarinë.
Në një postim të bërë publik sot, Ambasada Amerikane shpjegon shqiptarët se vizat turistike nuk janë viza pune, ndaj nuk mund të shkojnë tek të afërmit e tyre me qëllim të tillë.
“Uau! Shqipëri, ti vazhdon të më befasosh. Mbrëmë isha në një restorant vendas, ku hëngra qingjin më të mirë që kam provuar ndonjëherë dhe bëra një bisedë interesante me shefin e kuzhinës. Edhe pse ai donte vërtet të shkonte në SHBA për të punuar në restorantin e xhaxhait të tij, i thashë se nuk lejohet të punosh kur ke një vizë të kategorisë B1/B2. Ju lutemi, mos harroni se vizat turistike nuk janë viza pune. Kjo do të thotë se nuk mund të punoni për të afërmit në SHBA”, shkruhet në postimin e Ambasadës.
