Projekti “Veliera” ndodhet në proces gjyqësor, ndërsa prej gati një muaji është pezulluar pasi nuk plotësohet numri tre i gjyqtarëve të administratives që nevojiten për të gjykuar çështjen. Avokatja e çështjes nga shoqëria civile, Mirela Jorgo sqaron se shkak për bllokimin e procesit është bërë Vettingu i cili ka nxjerrë jashtë loje KLD. Një situatë e tillë u krijua pas dorëheqjes së gjyqtares Meriban Mullaj nga kjo çështje.
Ndërkohë punimet vazhdojnë dhe sipas avokates, ato janë shtrirë edhe në zonën A arkeologjike në kundërshtim me ligjin. Ndërsa projekti “Veliera” po shkon drejt mbylljes, Agjencia e Shërbimit Arkeologjik ende nuk e ka dhënë verdiktin final nëse do të devijohet projekti apo nuk do të merren parasysh rrënojat arkeologjike që u zbuluan gjatë gërmimeve.
