Dy vëllezërit Bujar dhe Florin Daka janë shpallur në kërkim nga Policia, për t’u rimarrë në pyetje, pas arrestimit një ditë më parë të Mikel Shallarit, si autor i dyshuar për vrasjen e ish-kryekomisarit Artan Cuku.
Mikel Shullari ka rrëfyer motivin e vrasjes së ish-kryekomisarit.
Shullari, vrasës me pagesë tregon se krimin e ka kryer për motive gjakmarrje dhe deri tani dyshohet se porositësit janë dy vëllezër nga Shkodra, konkretisht Bujar dhe Florin Daka për vrasjen e vëllait të tyre para disa vitesh Agim Daka me armën e ish-kryekomisarit Cuku në zyrën e tij.
Policia ka zhvilluar kërkime në banesë, në Shkodër, gjatë dy ditëve të fundit, por nuk janë gjetur. Ata dyshohet se janë larguar jashtë vendit përmes kufirit të gjelbër.
Babai i tyre mësohet të jetë shprehur përpara uniformave blu se nuk ka dijeni për vendndodhjen e djemve.
