Një 24 vjeçar nga fshati Gojan i Madh në Pukë është arrestuar nga policia pasi ka qëlluar me armë zjarri në ajër. Në pranga ka përfunduar shtetasin Martin Gjergji, 24 vjeç, banues në këtë fshat.
“Pas lajmërimeve se në fshatin Gojan ka të shtëna me armë menjëherë janë nisur forca të shumta policie ku kanë konstatuar 46 gëzhoja model 56 të shpërndara në mënyrë të çrregullt në rrugën e shtëpisë së shtetasit Martin Gjergji”, sqaron Policia e Shtetit.
Sipas policisë, pas kontrollit të ushtruar në banesën e këtij shtetasi dhe ambienteve përreth saj, u gjet e groposur një armë automatike model 56, 7 krehra, ku 6 prej tyre ishin bosh ndërsa njëri kishte 25 fishekë brenda.
