Pas lajmit për tërheqjen e Shteteve të Bashkuara nga pakti i Parisit për klimën, ka regauar ish-presidenti amerikan Barack Obama, teksa thotë se administrata e Trump po u bashkohet “një grusht shtetesh të vogla që refuzojnë të ardhmen”, duke u larguar nga ajo marrëveshje.
Obama tha se vendet që qëndrojnë brenda marrëveshjes së Parisit do të “korrin përfitime” në industritë dhe “vendet e punës që do të krijohen”. Ai shton gjithashtu se Shtetet e Bashkuara duhet të jenë medoemos “në vijën e parë të paketës”.
Ish-presidenti demokrat thotë më tej në deklaratë se vendimi i Trump reflekton “mungesën e qartë të lidershipit amerikan”.
“Bizneset kanë zgjedhur “një të ardhme me më pak karbon” dhe kanë nisur tashmë investimet e fuqishme në burimet e rinovueshme, si energjia e prodhuar nga era apo energjia diellore”, ka thënë Obama.
