Për Angelina Jolie të jesh prind i mirë është mënyra më e mirë për t’u dhënë fëmijëve një shembull.
Në një intervistë për revistën franceze, Elle, Jolie ka folur rreth ndikimit të nënës së saj, Marcheline Bertrand, për ta bërë atë një nënë më të mirë.
Nëna e aktores, Marcheline vdiq në janar të vitit 2007 pas një beteje me kancerin.
“Do të kishte qenë një gjyshe e mrekullueshme. E di se sa do t’u kishte ndihmuar në jetën e tyre (fëmijëve) dhe jam e pikëlluar, sepse diçka e tillë nuk do të ndodhë.
Do të jepja gjithçka që të ishte me mua në këtë çast. Më mungon. Shpesh flas me të në mendimet e mia dhe imagjinoj se çfarë do të më thoshte ajo për të më këshilluar”, është shprehur Jolie.
Jolie ka gjashtë fëmijë, tre biologjikë (me Brad Pitt) dhe tre të adoptuar.
