Përfaqësuesi i LSI në Komisionin e Verifikimit të Kandidatëve për Vettingun, Luan Rama denoncon se Avokati i Popullit dhe Operacioni Ndërkombëtar i Monitorimit po luajnë me dy standarde në këtë proces.
“Kishte dhe ka emra që mund të vlerësoheshin, që mund të përfshiheshin në listën e miratuar sepse për fat të keq dhe në seancat dëgjimore rezultoi se Avokati i Popullit dhe ONM kanë aplikuar dy standarde, sepse nëse një pjesë e kandidatëve janë penalizuar për rekomandim negativ për shkak të konfliktit të interesit për shkak se dikush ka vëllain, gruan që punon në sistemin e drejtësisë, të njëjtin standard nuk e ka respektuar për të tjerë kandidatë dhe janë përfshirë në listën e miratuar.
Gjithsesi dhe në punën gjatë këtij komisioni dolën në pah, defekte dhe vajtja në votim krijoi mospajtim mes palëve dhe në këtë komision përfaqësues të PS apo PD duhet të ruanin frekuencat e marrëveshjes së madhe së arritur mes kryeministrit e Bashës, nuk ia dola dot t’i bëja bashkë dhe në këtë pikpamje i mbetet dy komisioneve të tjera të bëjnë vlerësimin përfundimtar për të dy kandidatët. Por më vjen keq që kandidatët me integritet dhe vlera që mund t’i bënin mirë procesit janë penalizuar për arsye subjektive”.
