Lista e Vlorës, ku janë bashkë paradoksalisht një çam si Dashamir Tahiri dhe një grek si Vangjel Dule, i ka tronditur të gjithë. Ka pasur reagime shumë të forta jo vetëm kundër Tahirit që merr përsipër turpin për t’i kërkuar vota çamëve për të zgjedhur grekun Vangjel Dule deputet. Reagimi i ashpër i drejtohet kryetarit të PD-së Lulzim Basha, i cili ka vendosur në listën e Vlorës, Vangjel Dulen të tretin ndërsa Dashamir Tahirin të pestin. Ky i fundit s’ka shpresë për të fituar dhe do jetë i detyruar të kërkojë votat e komunitetit çam në Vlorë, për llogari të mandatit të Vangjel Dules. Në reagimet e shumta në rrjetet sociale spikat mesazhi i gazetares Alda Dalushi, e cila është mbesë nga Çamëria. Duket e shokuar nga lista e Vlorës dhe e shokuar nga kjo renditje e Lulzim Bashës që fyen rëndë të shkuarën e përgjakshme të Çamërisë.
“Gjyshi im ishte i djathtë, çam. Për një moment po mendoja për gjyshërit çam, të djathtë, në Vlorë, gjallë akoma…. Taaaaang….Vangjel Dule në listë. Lul…..ç’bën kështu, Lul?”, shkruan gazetarja Alda Dalushi.
