Këngëtari i njohur, Chris Cornell ka ndërruar jetë në moshën 52-vjeçare.
Ishte ai që performoi temën kryesore të filmit “James Bond” të vitit 2006, “Casino Royale”.
Përfaqësuesi i Cornell, Brian Bumbery sqaroi përmes një deklarate se, kjo vdekje ishte e “beftë”. Familja, sipas tij, po bashkëpunon ngushtë me mjekun përgjegjës, për të caktuar shkakun e humbjes së njeriut të tyre të dashur. Të afërmit kërkojnë të respektohet dhimbja e tyre e të ruhet privatësia.
Cornell u shua pak pas interpretimit në një koncert të “Soundgarden” në Detroit, mbrëmjen e së mërkurës.
