Artisti me famë ndërkombëtare, Mohombi, do vijë në Shqipëri këtë të premte.
Artisti do të ngjitet në skenën e “The Voice of Albania” për të performuar këngët e tij më të njohura.
Ai është këngëtar, balerin dhe tekstshkrues. Debutimi i tij i parë, ishte me materialin muzikor “Bumpy-Ride”, i cili në një hark të shkurtër kohor, u kthye në një hit botëror. Pas prezantimit të parë, artisti vazhdoi të publikonte këngë dhe bashkëpunime të tjera, të cilat gjithmonë pëlqehen nga publiku.
“Coconut tree” është një prej bashkëpunimeve të tij më të suksesshme, me këngëtaren Nicole Scherzinger, këngë e cila ka qëndruar për muaj me radhë në majat e klasifikimeve botërore.
