Deputetja e Partisë Demokratike, Majlinda Bregu ka kritikuar sërish Lulzim Bashën, lidhur me bojkotin e zgjedhjeve të 18 qershorit.
Në Ditën e Europës, 9 maj, Bregu ka postuar një shkrim të gjatë në Facebook, se nëse opozita ndërton një alternativë të besueshme, nuk ka para droge dhe krimi që mund të mbajë peng të ardhmen e shqiptarëve.
“Nuk besoj as se shqiptarët dhe e ardhmja e tyre kanë nevojë për radikalizime kanosëse të gjuhës apo veprimit. Jo! Ne kemi nevojë për Radikalizim të Shpresës. Ne na duhet veç shpresë! Shpresa është ajo që bashkon Europën sot. Shpresa të bën të kapesh pas të ardhmes dhe jo të mbahesh pas së shkuarës! Kjo e ardhme nuk ka sesi të mos jetë e lidhur me Partinë Demokratike.
Ajo çeli rrugën e këtij vendi drejt Europës që sot nuk mund të ngelet një ndjesi pritjeje pambarim. Nëse punojmë fort dhe ndërtojme një alternative shpresëdhënëse, nuk ka para droge e krimi që mund të mbajë peng të ardhmen europiane të shqiptarëve”, shkruan Bregu në Facebook.
