Drejtori i Përgjithshëm i Arkivave, Ardit Bido ka nënshkruar një marrëveshje bashkëpunimi me kryetaren e Autoritetit të Dosjeve, Genta Sulaj, në Drejtorinë e Përgjithshme të Arkivave, për zbardhjen e dosjeve të komunizmit,për të gjetur ujqërit e vërtetë të regjimit të kaluar.
“Sot nënshkrova marrëveshjen e bashkëpunimit me Genta Sulajn, kryetaren e Autoritetit të Dosjeve, për një bashkëpunim, me besimin e plotë që e vërteta, duhet të tregohet pa lënë hapësirë për manipulime, shantazhe, kërcënime apo dhe veprime të tjera të cilat ndodhin kur e vërteta nuk zbardhet. Ne jemi shprehur të gatshëm dhe do të vijojmë të jemi të tillë në lidhje me të gjitha gjurmët të cilat gjenden në dokumente të tjera arkivore për të gjetur ujqërit e vërtetë të regjimit të kaluar!”- shkruan Bido në rrjetin social Facebook.
