Të gjithë aplikantët për llotarinë amerikane do të njihen sot me rezultatet në orën 18:00. Siç edhe sqaroi ambasada amerikane, nuk do të ketë njoftime të veçanta me postë apo e-mail për aplikuesit, por rezultatet do të shihen online.
Një tjetër fakt në lidhje me këtë llotari është edhe numri i aplikantëve shqiptarë, i cili këtë vit ka shënuar shifra rekord. Vitin e kaluar, mësohet se kanë aplikuar rreth 200 mijë shqiptarë në një total prej 14.5 milionë aplikuesish nga e gjithë bota, ndërsa këtë vit numri i aplikuesve në botë e ka kaluar numrin 19 milionë.
Kjo tregon edhe një rritje të numrit të shqiptarëve, të cilët kërkojnë të ikin nga vendi dhe në numër më të madh janë moshat e reja.
