Në këtë 1 Maj, minatorët e Bulqizës kanë protestuar në qendër të qytetit për kushte e vështira ku ata ndodhen.
Një grup minatorësh kanë prezantuar gjendjen e rëndë ku ata ndodhen, por edhe kërkesat që ata kanë shtruar ndaj shtetit. Pavarsisht problemeve të shumta që kanë minatorët e Bulqizës, kjo edhe për shkak të presioneve për shkarkim nga puna që ju bëhen, nëse ata protestojnë.
Një gjë e tillë ka ndodhur para pak ditësh, ku dy minatorë të firmës koncensionare ACR në Bulqizë u shkarkuan nga drejtori i saj, Edmond Xhafa sepse kishin protestuar për vjetërsinë në punë, statusin e minatorit dhe rritjen e pagës.
Një terror i tillë që ushtrohet tek minatorët e Bulqizës, ka bërë që prej vitit 2011 të mos ketë as edhe një protestë. Ndërsa roli i sindikatave është në nivelin më të ulët, ku punëtorët e kanë ngritur disa herë si shqetësim që ato janë bërë palë me firmën koncensionare dhe jo me punëtorët.
