Ambjentalisti, Sazan Guri, ka shkuar sërish në vendin ku po punohet për projektin e Velierës në Durrës, nga ku përsëriti akuzat ndaj kryebashkiakut Vangjush Dakos, i cili refuzontë respektojë dy vendimet e gjykatës për pezullimin e punimeve.
Sipas tij, punimet po vijojnë me ritme te shpejta dhe po dëmtohen vlerat arkeologjike të qytetit. Guri tha se kantieri ku po ndërtohet Veliera është kthyer në vend krimi, pasi po betonizohet historia dhe po asgjesohet identiteti kombëtar.
“Një krim me emër antikombëtar. Kemi atë që ne e parashikuam, që gërmoni dhe hiqni betonin e zotit Dako, hiqni dhe zhavorrin e zotit Dako dhe do të gjeni të gjithë strukturat arkeologjike të disa perandorive, duke filluar nga ajo e fundit osmane deri tek ilire, romake”, tha Guri.
Pak kohë më parë gjykata e Durrësit vendosi pezullimin e punimeve në zonën A arkeologjike, pasi u konstatuan gjatë gërmimeve objekte të periudhës otomane.
