Justin Bieber ka arritur t’ia kalojë Adele, Beyonce dhe Ed Sheeran duke u emëruar si ylli i popi më me ndikim në botë. 23-vjeçari është kurorëzuar “Mbreti i Popit” në The Box Powerlist 2017, pasi është gjykuar si një nga yjet më të suksesshëm në industrinë e muzikës, si në aspektin e fansave ashtu edhe të ardhurave.
The Box Plus Network ka bërë një sondazh dhe ka listuar yjet më të sukseshëm të botës muzikore duke u bazuar në të ardhurat e tyre muzikore, ndikimin në mediat sociale, ndjekësit online, pasuria personale, çmimet që kanë fituar, tabela e performacës dhe vëmendja që kanë pasur nga mediat.
Justin ndiqet në listë nga Rihanna në vendin e dytë dhe në vendin e tretë Drake. Ndërsa Beyonce renditet në vendin e katërt.
Vitin e kaluar Justin ka bërë një turne botëror duke promovuar albumin e tij më të shitur “Purpose”, dhe arriti që të fitojë 15.5 milionë ndjekës më shumë në Instagram gjatë turit.
