Policia e Tiranës ka publikuar pamjet e autorit të dyshuar të vrasjes së ish-drejtorit të policisë Vlorë, Artan Cukut.
Në pamjet e shpërndara për mediat, duket një person me kapuç dhe me shall, i cili është filmuar nga kamerat e sigurisë duke vrapuar.
“Policia e Shtetit në bashkëpunim me Prokurorinë e Krimeve të Rënda po vijon hetimet intensive për zbardhjen e ngjarjes së ndodhur në datën 8 prill 2017 ku humbi jetën ish drejtuesi i Policisë Artan Cuku. Policia kërkon ndërkohë edhe ndihmën e qytetarëve për të bërë të mundur identifikimin e autorit të dyshuar i cili më datë 08.04.2017, rreth orës 20:11, në rrugën e “Kosovarëve”, në hyrje të pallatit “Melros”, ka qëlluar me armë zjarri pistoletë, ish drejtuesin Cuku”- sqaron policia.
Po ashtu, policia kërkon ndihmën e qytetarëve për identifikimin e personit.
https://www.facebook.com/1502420603377639/videos/1944619262491102/
