Prokuroria ka dërguar në gjykatën e Krimeve të Rënda, Emiliano Shullazin së bashku me katër persona të tjerë të cilët shikohen si bashkëpunëtorët e tij.
Dyshohet se Shullazi është pjesë e një grupi të strukturuar kriminal që ka gjobitur shtetasit Ylvi Beqja , Jani Zaka dhe Adriatik Këçuku.
Ka kërcënuar për tu tërhequr nga gara kandidatin për rektor Mynyr Koni si dhe ka kanosur për shkak të detyrës rektorin Dhori Kule. Përveç Emiliano Shullazit nën gjykim do të jenë edhe shoku i tij Gilmando Dani, nipi Endrit Zela si edhe Blerim Shullazi e Endrit Qyqa.
Ndërsa administroi dëshmi të rëndësishme për kërcënimin e Konit që nga ajo e ish ministrit të brendshëm Saimir Tahiri e drejtori i përgjithshëm i policisë Haki Çako, dëshmia që do të jetë më e diskutueshme është ajo e profesorit i cili sidoqoftë nuk e drejtoi gishtin drejtperdrejtë tek Shullazi.
Vetëm ndaj Emiliano Shullazit prokuroria ka ngritur nëntë akuza që nga grupi i strukturuar kriminal, kryerje e veprave në kuadër të grupit, gjobëvënie në tre episode, shkatërrim prone me eksploziv në dy raste dhe kanosje për shkak të detyrës në dy raste.
