Kreu i PDIU-së Shpëtim Idrizi ka kërkuar një marrëveshje të re me Partinë Socialiste. Nga kryesia e Kuvendit, Idrizi tha se deri tani diskutimi për një marrëveshje të re nuk është realizuar.
Ai tha se aleancat nuk vendosen nga një votim, duke iu referuar këtu rrëzimit të emrit të tij për anëtar të Komisionit të Vettingut.
“Pa dyshim vazhdojmë të jemi në një aleancë. Aleanca nuk vendoset nga një votim apo nga një mosmarrëveshje, megjithëse e arsyetuar ka qenë shumë më tepër një arsyetim i gabuar për të qenë pjesë e opozitës sesa rrëzimi i emrit tim. E përsëris prap, sa më shumë aktorë politikë të marrin pjesë aq më shumë garanci do ketë reforma në drejtësi që të jetë e gjithëpranuar. Ne jemi pjesë e kësaj mazhorance. Ka pasur një diskutim të munguar prej disa muash midis nesh, me kërkesën tonë që të flasim për një marrëveshje të re,por deri më sot nuk është realizuar”- u shpreh Idrizi.
