Një automjet është hedhur në erë më anë të eksplozivit rreth orës 03: 00 të mëngjesit në lagjen Nr.2 të qytetit të Pogradecit.
Fatmirësisht nga shpërthimi nuk ka pasur të lënduar por vetëm dëme materiale, ku janë thyer xhamat e disa banesave.
Mjeti është në pronësi të shtetasit me inicialet P.N., 32 vjeç banues në Pogradec. Në momentin e shpërthimit mjeti ka qënë i parkuar përpara një pallati.
Policia po punon për zbardhjen e ngjarjes dhe identifikimin e autorëve të mundshëm të vendosjes së lëndës shpërthyese.
