Një trup i pajetë është gjetur në lumin e Shkumbin, në fshatin Çërmet të Rrogozhinës.
policia lokale, bën me dije se kufoma është e seksit femër dhe nga mbikëqyrja paraprake dyshohet të jetë e moshës 16-17 vjeç.
Agjentë të policisë kanë nisur hetimet për identifikimin e së ndjerës, me qëllim zbardhjen e rrethanave të vdekjes së saj.
Ky është rasti i dytë brenda pak ditësh që një trup i pajetë gjendet në ujërat e vendit. Një ditë më parë trupi i pajetë i një personi u gjet nga policia e Vlorës pranë ishullit të Sazanit, i cili dyshohet të ketë qenë një skafist i një gomoneje me drogë.
