Banka Qendrore Europiane: Më 4 prill del në treg kartëmonedha e re 50 euro

“Më 4 prill, në qarkullim do të dalin kartëmonedhat e reja prej 50 euro”, ka njoftuar Banka Qendrore Evropiane.

Kartëmonedha e re është e katërta nga seria Evropa, para saj ishin ato të 5, 10 dhe 20 eurove, të cilat tashmë janë në qarkullim.

Kjo seri ka veçori të sigurisë së lartë, ndërsa ka një portret të Evropës -figurës nga mitologjia greke -që është edhe si hologram kur e shikoni në dritë.

Kartëmonedha e 50 eurove është më e shpeshta dhe paraqet 45 për qind të parave në qarkullim.