Aktorja me origjinë shqiptare Eliza Dushku, ka deklaruar se ka përdorur drogë për herë të parë kur ishte vetëm 14 vjeçe
Në një rrëfim Eliza ka folur për varësinë nga lëndët narkotike dhe alkooli.
“Më kujtohet që më pëlqeu herën e parë që e provova. Më pëlqeu ndjesia që më krijoi dhe ndjesitë që më largoi. Më dukej argëtuese dhe e doja drogën edhe kur ajo nuk ishte më. Por droga nuk më donte mua! Nuk donte familjen time dhe as miqtë e miqtë e mi që vdiqën prej saj”, deklaroi Eliza në një takim që pati javën e kaluar me gjimnazistë në New Hampshire.
Eliza tregoi se aktualisht po zhvillon një jetë të shëndetshme, ndërsa thotë se ka hequr dorë edhe nga droga edhe nga alkooli.
