Në Samitin e kryeministrave të Ballkanit Perëndimor në Sarajevë, Komisioneri i Bashkimit Europian për Zgjerimin, Johannes Hahn u bëri thirrje vendeve të Ballkanit që të mos luajnë me zjarrin, por të përfitojnë nga ripërtëritja e angazhimit të BE-së ndaj rajonit.
Hahn tha se vendet e bllokut janë të përkushtuara për integrimin e Ballkanit, por rajoni nuk duhet të lejojë pengesa në përparimin drejt këtij qëllimi.
Komisioneri për Zgjerimin tha se takimi, ku morën pjesë kryeministrat e Shqipërisë, Bonje-Hercegovinës, Kosovës, Serbisë, Malit të Zi dhe Maqedonisë, u zhvillua në një periudhë krizash të brendshme politike që po rrezikojnë të shkaktojnë tensione të rënda etnike.
Sipas tij shihen edhe ndërhyrje të pashembullta nga Lindja, ndërsa nuk është e qartë se cila është qasja amerikane ndaj Ballkanit.
