Ministri i Financave Arben Ahmetaj, ka deklaruar sot se është jetësuar rritja e pagave me 10% për administratën publike.
Ahmetaj theksoi se rritje pagash kanë përfituar edhe arsimi parauniversitar me po 10%.
Ministri i Financave, ka dhënë lajm të mirë edhe për bluzat e bardha, ku 8 mijë nëpunës do të kenë një rritje të pagës me 10%.
Ahmetaj u shpreh se rritjen prej 10% do e përfitojnë edhe të gjitha gradat diplomatike, ndërsa 7% do të jetë rritja për administratën në njësitë vendore.
Kjo rritje sipas ministrit të Financave është një premtim i mbajtur i qeverisë, por sigurisht kjo rritje ka ardhur falë suksesit të reformave, falë të cilave u përmirësuan treguesit buxhetorë.
Në fund të fjalës së tij ministri ka uruar të gjithë, gratë, vajzat që sot festojnë ditën e 8 Marsit.
