Deputeti i Partisë Demokratike, Oerd Bylykbashi tha se trafiku i drogës nga porti i Durrësit bëhet me grafik.
Bylykbashi deklaroi se kohët e fundit në Itali janë kapur rreth 20 ton drogë dhe këtë sasi nuk e ka trafikuar as Eskobari në Shtetet e Bashkuara të Amerikës.
“Nuk mund të kthehet në një shtet bandë, që për të krijuar lajm u është kërkuar policëve të arrestojnë njerëz vetëm e vetëm të prodhojnë lajm për të sfumuar protestën e opozitës”, tha Bylykbashi.
Në lidhje me zgjedhjet Bylykbashi tha se nuk ka asnjë njeri që nuk e di se zgjedhjet janë të rrezikuara. Pak ditë më parë tha edhe ambasadori i OSBE-së që në treg janë 2 miliardë euro. Po të bësh llogari dali edhe 5-6 miliardë euro. Shumica e problemeve po transferohen në fazën e votimeve.
“Në momentin që shqiptarët zgjedhin qeverinë e tyre me votë, do t’ia bëjnë Vettingut ministrave dhe këtij kryeministri”, tha Bylykbashi.
