Prokuroria e Përgjithshme i ka kërkuar sërish KQZ-së që t’i ndërpritet mandati i deputetit socialist Armando Prenga.
Në përgjigjen që i ka kthyer KQZ-së prokuroria pretendon se Prenga nuk ka respektuar kërkesat e ligjit për plotësimin e të dhënave, duke mos deklaruar dënimin e formës së prerë të Gjykatës së Kurbinit, si dhe precedentët penale në Itali.
Prokuroria e Përgjithshme ka dërguar përgjigjen ditën e sotme për t’i dhënë mundësinë KQZ-së që të shqyrtojë brenda afatit ligjor vendimin e Prokurorisë për konstatimin për ndërprerje të mandatit të deputetit Prenga.
KQZ ka detyrim që të shqyrtojë vendimin e Prokurorisë brenda 10 ditëve nga vendimmarrja e Prokurorisë.
Prokuroria e Përgjithshme ka marrë vendim për konstatimin e ndërprerjes së mandatit të deputetit Prenga ne dt.15.02.2017.
