“Një nga anëtar i komunitetit rom, është ndaluar sot nga policia bashkiake dhe pasi i janë konfiskuar dy qese me mbetje të riciklueshme, është gjobitur me 5000 mijë lekë (të reja) dhe i është konfiskuar karta e identitetit, e cila pamundëson tërheqjen e ndihmës ekonomike, që përbën të ardhurat e vetme për familjen me shumë anëtarë. Konfiskimi i kartës së identitetit pengon drejtpërdrejtë mjetet e jetesës së familjes dhe përbën një shkelje të rëndë të të drejtës për jetën.”
Ky është njoftimi që bëjnë veprimtarët e Aktivizmit rom dhe egjiptian. Në një vend, ku paligjshmëria nis nga qeveria, pushteti vendor, Bulevardi “Dëshmorët e Kombit”, ku hajnia dhe korrupsioni me krimin janë në nivele galopante, fajtori është një varfanjak që krruan kazanët e plehrave për të jetuar.
