Deputeti Aqif Rakipi ka reaguar sërish në lidhje me lajmet se Prokuroria ka kërkuar vazhdimin e verifikimeve për personin e tij. Gjatë një komunikimi të shkurtër në rrjetet sociale, Rakipi ngulmon që verifikimi të bëhet dhe ai është i hapur, por të kryhet sa më shpejt, sepse është duke cënuar pastërtinë e figurës së tij.
Më poshtë deklarata e Aqif Rakipit:
Të nderuar qytetarë,
Sot u njoha nga shtypi siç ndodh rëndomë këto tre-katër muajt e fundit, që Prokuroria e Përgjithshme ka kërkuar vazhdimin e verifikimeve për personin tim…
Në mënyrë të përsëritur po ju deklaroj që jam i hapur për çdo hetim dhe se nuk kam asgjë për të fshehur, i bindur në pastërtinë time.
Kërkoj që t’i jepet sa më shpejt fund këtij verifikimi nga Prokuroria e Përgjithshme, sepse nuk është normale përfolja ime prej muajsh në media dhe opinionin publik, duke shpresuar që të mos bëhet pjesë e lojërave politike.
