Sonte është finalja e Sanremos dhe do të mësojmë nëse kantautori shqiptar Ermal Meta, do të fitojë çmimin e parë. Teksti i këngës së tij është konsideruar nga kritika italiane si teksti më i mirë i këngëve pjesëmarrëse në Sanremo 2017. Ajo që e bëri edhe më të pëlqyeshëm tekstin e Ermalit, ishte fakti se kishte elementë autobiografik
“Është një histori autobiografike por gjëja më e rëndësishme është që ta dëgjojnë të gjithë, dhe ndoshta mund të japë një sinjal shprese për dikë tjetër”, është shprehur artisti shqiptar për mediat italiane teksa komentonte këngën e tij.
Në natën e tretë të edicionit të 67 të Sanremos, Ermal Meta konkurroi në kategorinë ‘Kampioni’, ku zuri vendin e parë duke fituar çmimin ‘Cover 2017’. Meta këndoi këngën “Amara terra mia” të kantautorit të famshëm italian Domenico Mudugno. Artisti shqiptar konkurron për të dytin vit radhazi në festivalin e Sanremos. Në 2016 Ermal Meta u rendit i treti në kategorinë e të rinjve me këngën e tij ‘Odio le favole’ (I urrej përrallat).
