5 persona janë arrestuar si dhe janë sekuestruar 500 kilogramë hashash gjatë operacionit të koduar “Triss” nga policia e Durrësit.
Gjaë kontrolleve në tre automjete të ndryshme u gjetën dhe sekuestruan në cilësinë e provave materiale 500 kilogram hashash të dyshuar me destinacion Italinë, 12 celularë si dhe mjetet me të cilat po lëviznin 5 shtetasit.
Kontrollet u ndërmorën në vendin e quajtur “Kthesa e Ariut” në Kullë, në fshatin Hasan të Fushë- Krujës dhe tek “4 Rrugët” në Shijak.
Policia ka arrestuar në flagrancë shtetasit Adem Lazen 47 vjeç , banues në Xhafzotaj, Durrës, Elisar Barashima 29 vjeç, banues në Kurcaj, Fushë-Krujë, Mustafa Sala, 22 vjeç, banues në Hasan, Fushë- Krujë, Gjon Syziu 23 vjeç, banues në Mirditë dhe Tanush Rica, 23 vjeç, banues në Rrëshen.
Ndërkohë, është shpallur në kërkim shtetasi me inicialet T.D. dhe po punohet për identifikimin dhe kapjen e personave të tjerë të përfshirë në këtë aktivitet të paligjshëm.
