Ministrat e Naftës të katër vendeve prodhuese, Arabisë Saudite, Katarit, Venezuelës dhe Rusisë, kanë vendosur të ngrijnë prodhimin e naftës në nivelet e janarit, në përpjekje për të stabilizuar tregun e mbifurnizuar.
Katër ministrat janë takuar sot në Doha të Katarit.
Çmimet e naftës kanë rënë ndjeshëm në muajt e fundit.
Ato kanë rënë për 70 përqind, nga 116 dollarë për fuçi që ishte në qershor të vitit 2014.
Rënia ka ndodhur për shkak të prodhimit të shumtë dhe kërkesave të vogla.
Ministri i Naftës i Arabisë Saudite, Ali al-Naimi, ka thënë se ngrirja e prodhimit është adekuate për tregun.
“Ne nuk duam lëvizje të shpejta të çmimeve, duam të përmbushim kërkesat. Duam çmim të qëndrueshëm të naftës”, ka thënë al-Naimi.
