Ish kapiteni i Kombëtares Shqiptare, Lorik Cana ka shprehur mbështetjen e tij për lirimin e kreut të AAK-së, Ramush Haradinaj
Cana e ka cilësuar politik urdhër arrestin ndaj Haradinjat, pasi ai është shpallur 2 herë i pafajshëm nga Gjykata e Hagës.
Ndërsa të enjten pritet që Ramush Haradinaj të dalë para trupit gjykues në Francë, futbollisti Cana shpreson që Gjykata Franceze të lirojë sa më shpejt Haradinajn që të mund të ritakohet me familjarët dhe të afërmit.
Cana: “Shpreh mbështetjen time për zotin Ramush Haradinaj i cili edhe një herë është persekutuar me një urdhër arresti ndërkombëtar të lëshuar nga Serbia dhe që është i motivuar me arsye politike. Por faktet kanë treguar se zoti Haradinaj është i pafajshëm madje është shpallur i tillë dy herë nga Gjykata Ndërkombëtare e Hagës.
Shpresojmë që Gjykata Franceze t’i mundësojë lirinë sa më shpejt zotit Haradinaj dhe që të ritakohet me familjarët dhe të afërmit e tij.
Miqësisht
Lorik Cana”
