Qytetarët që jetojnë në unazën e re, do të kenë qendrën e tyre shëndetësore, pa qenë nevoja t’ju drejtohen atyre që ndodhen larg vendbanimit të tyre. Hapja e kësaj qendre të re Shëndetësore, të munguar në këtë zonë do ti shërbejë rreth 25 mijë banorëve.
“Ky është një territor i Tiranës i zhvilluar shumë 15 vitet e fundit dhe këtu janë 25-30 mijë banorë që jetojnë përditë këtu, dhe ndërkohë, duhet të vazhdonin ta merrnin kujdesin shëndetësor, o në “Kombinat”, o tek “21 Dhjetori” ose në “Laprakë”. Do të kemi këtu dhe një kabinet “Check-Up”-i, marrja e një recete me rimbursim, bërja e një injeksioni, të mund të bëhen në këtë Qendër Shëndetësore”, tha ministri i Shëndetësisë Ilir Beqaj.
Ministri i Brendshëm, Sajmir Tahiri i cili ishte gjithashtu i pranishëm në ceremoninë e inaugurimit, u shpreh: “Kjo Qendër Shëndetësore do i shërbejë më së miri, me të gjitha shërbimet të 25 mijë banorëve të këtij komuniteti!”.
