Këngëtarja kanadeze Celine Dion ka refuzuar ftesën e presidentit të zgjedhur Donald Trump, për të performuar më 20 janar në Shtëpinë e Bardhë.
Këngëtarja kishte marrë një ftesë për të kënduar më 20 janar në Uashington, por e refuzoi pasi në të njëjtën datë ajo do të duhet të paraqitet në një koncert në Las Vegas. Kohë më parë këtë koncert artistja e kishte anuluar si pasojë e vdekjes së bashkëshortit të saj.
Ndaj për mos të zhgënjyer edhe një herë tjetër fansat 48 vjeçarja vendosi të refuzojë ftesën nga presidenti i Shteteve të Bashkuara të Amerikës, ndonëse janë miq të vjetër dhe numërohen evente të ndryshme në të cilat Celine Dion ka kënduar për Donald Trump.
