Ministria e Mirëqënies Sociale dhe Rinisë do të ngrejë Domën e Zejeve, nisëm kjo e cila synon, sipas saj, për të rigjallëruar dhe dhënë një tjetër hov zejtarisë, brenda gjashtë muajve.
Kjo nismë u njoftua nga ministri Blendi Klosi gjatë hapjes së Panairit të Zejtarisë dhe Kreativitetit në Pallatin e Kongreseve.
“Kemi ndërmarrë nismën të mbrojmë prodhimin vendas. Jemi të vendosur të mbrojmë trashëgiminë tonë”, tha Klosi.
Klosi deklaroi se për bizneset familjare të zejeve do të ketë zero taksa për bisnesin familjar të zejeve
“Zero taksa për bisnesin familjar të zejeve. Është e papranueshme që në qendrat tona historike, tregtohen mallra importi. Është e pafalshme, sikundër e papranueshme që në qytetet tona historike, pazaret e reja të tyre, në Shkodër, Korçe, Krujë, Lezhë, Berat, të mos ketë prodhime shqiptare”, u shpreh Ministri.
