Ylli i popit Madona është shpallur “Gruaja e vitit” nga revista “Billboard”, një vlerësim i shumëmerituar për këngëtaren energjike që sfidon moshën e nuk tërhiqet nga skena. Madona e konsideron këtë lëvizje si pikën kulmore të vitit për të, si në planin profesional, ashtu dhe në atë personal.
“Arritja më e madhe, ashtu siç e shoh unë, ishte përfundimi i turneut, fakti që i bëra çdo natë spektaklet e mira dhe ndërkohë duhet të përballesha me sfidën e të qënit një nënë, që vazhdon të mbetet një sprove për mua. Të jesh nënë e mirë e në të njëjtën kohë të jesh artiste nuk është lehtë, por ja që duhet t’i bësh të gjitha”, deklaroi këngëtarja.
