Hamburg- Bushati: Jo diskutime për Kosovën, pa Kosovën

Ministri i Punëve të Jashtme Ditmir Bushati mori pjesë në Këshillin e 23-të të Ministerialit të OSBE-së në kuadër të kryesisë  gjermane.

Bushati  theksoi se  në sfidat e rëndësishme me të cilat përballet organizata, si kriza e tejzgjatur në Ukrainë, parandalimi dhe zgjidhja e konflikteve të ngrira nëpërmjet dialogut, lufta kundër terrorizimit e radikalizmit etj.

Duke iu referuar zhvillimeve në rajon, Ministri Bushati u shpreh se: “Ballkani Perëndimor ka përparuar mirë në kuadër të bashkëpunimit rajonal dhe mezi presim ditën kur edhe Kosova do të ulet rreth kësaj tryezë si një shtet pjesëmarrës. Deri atëherë, ne inkurajojmë fuqimisht kryesinë e ardhshme austriake që të eksplorojë të gjitha mundësitë që kjo organizatë të mos diskutojë për Kosovën, pa Kosovën”.