Një studim i ri tregon se njerëzit duhet të martohen në mes të moshës 28 dhe 32 vjeç nëse nuk duan të shkojnë drejt një divorci, të paktën në pesë vitet e para.
Studimi është bërë nga Nick Ëolfinger, një sociolog në Universitetin e Utah, dhe botuar nga Instituti i Studimeve Familjare. Kjo tregon se njerëzit që martohen mes 28 dhe 32 vjeç nuk shkojnë në ndarje së paku në vitet që pasojnë martesën. Sociologët më parë besonin se duke pritur më gjatë për të marrë këqtë vendim zakonisht krijon më shumë stabilitet.
Wolfinger analizoi të dhënat nga 2006-2010 dhe Anketën Kombëtare 2011-2013 për Rritjen e Familjeve. Ai gjeti se shanset për tu divorcuar ishin më të mëdha në martesat që ishin bërë në moshë të hershme në të 20-at. Për çdo vit pas 32 vjec, mundësia e divorcit shkon deri rreth 5%, thotë studimi.
Ka shumë arsye pse martesat pas të 30-ve mund të jenë më të forta dhe të zgjasin. Njerëzit janë të pjekur mjaftueshëm për të kuptuar nëse ata me të vërtetë duan të bashkëjetojnë me dikë, apo janë thjesht të verbuar nga hormonet. Ata në këtë moshë kanë bërë tashmë zgjedhje të rëndësishme të jetës dhe kanë marrë mbi vete disa përgjegjësi. Gjithashtu ata mund të jenë financiarisht të fortë për tia dalë në krijimin e një familje. /27.al/
