Në foto shihni një kopje të dokumentit të pavarësisë. Firmëtarët e kësaj shpallje janë themeluesit e mëvetësisë së Shqipërisë.
Ky dokument me vlerë të paçmuar është ruajtur nga ish-ministri i Post-Telegrafit të Qeverisë së Vlorës, Lef Nosi. Para arrestimit të tij nga komunistët në moshën 75 vjeçare ka mundësi që dokumenti i pavarësisë të jetë depozituar në Bankën e Shqipërisë ose ka mbetur në Arkivën personale të patriotit elbasanas, i cili njihej si një koleksionist i thekur.
Ka gjasa që ky dokument të jetë gjetur nga komunistët e sapo dalë nga lufta, por ai ende nuk është gjetur, megjithë kërkimet e ethshme.
E para, dokumenti mund të jetë gjetur dhe tretur nga dallkaukët e pushtetit të asaj kohe, duke mos ia njohur vlerën.
E dyta, (dhe më e dëshirueshmja) të jetë ende në arkivat shqiptare i depozituar diku rrëmujshëm.
E treta, mund t’i jetë dorëzuar jugosllavëve, të cilët fill pas Luftës së Dytë e kishin Shqipërinë komuniste pothuaj të aneksuar.
