Miss India, Dempile Chetan Patel, u shpall fituese e spektaklit të bukurisë “The Miss Globe”, organizuar nga “Deliart Assosiation”, në bashkëpunim me Radio Televizionin Shqiptar.
Ndërsa shoqëruese e parë e misit u shpall Miss Kolumbia dhe shoqëruese e dytë u shpall Miss Shqipëria.
Në spektakël morën pjesë vajzat konkurrente nga mbi 40 shtete të botës, të cilat veç bukurisë prezantuan edhe vendet e tyre. Kompeticioni i bukurisë, u organizua nga Deliart Assosiation, regji të Petri Bozo, me skenar të Alda Bidës dhe Alida Cenaj.
Drejtues ishin Iva Mera dhe aktivistiti për të drejtat e njeriut, Altin Hazizaj.
Hijeshinë këtij spektakli ja dhanë edhe emra të njohur të skenës si Rovena Dilo, Manjola Nallbani, Eranda Libohova, Aleksandër Gjoka, Redon Makashi, Vesa Luma, Big Basta, Classic Boys, etj të cilët interpretuan në skenë.
