Në një atmosferë madhështore është themeluar dega e Plavës dhe e Sanxhakut e Shoqatës “Çamëria” Kosovë.
Kryetari i kësaj Shoqate, Nexhmi Muçiqi është ndier i emocionuar me pritjen që i është bërë atje.
Muçiqi ka thënë se organizatorët e Këshillit Nismëtar të Shoqatës të kësaj ane kanë bërë një punë mjaft të mirë, duke i krijuar të gjitha parakushtet për t’u mbajtur një ceremoni madhështore me rastin e themelimit të këtyre dy degëve të Shoqatës “Çamëria” Kosovë.
E veçanta e kësaj ngjarje ka qenë defilimi me flamuj e me veshje kombëtare i çupave dhe çunave të kësaj ane, para se të fillonte tubimi i themelimit të degëve. Ky defilim i ka dhënë një shije të ëmbël e me plot frymëzim ambienteve të këtij qyteti të banuar me shqiptarë.
/ dritarjaonline.net/
