Kryeministri Edi Rama teksa i uroi mirëseardhje të pranishmeve në Samitin e Diasporës, deklaroi se për shumë kohë ‘Pallati i Brigadave’ ishte i mbylluar prej kohës si një burg, ndërsa tashmë është një pallat mbretëror, por që s’ka fjetur kurrë një mbret
Kreu i qeverisë ka theksuar se prania e 1 mijë shqiptarëve nga 40 shtete të botës ka një rëndësi të veçantë.
Ai ka shtuar se, diaspora duhet të shërbejë si një shkollë dijeje dhe jete, duke pasur parasysh suksesin e shqiptarëve në mërgim. Ndër të tjera, ai ka komentuar edhe mungesën e kreut të shtetit, Bujar Nishani dhe kreut të opozitës Lulzim Basha, duke kërkuar një lloj ndjese në rast paqartësish në ftesën drejtuar atyre.
Në fillim të ceremonisë ishte ministri i Jashtëm Ditmir Bushati që vlerësoi rëndësinë e kontributit të diasporës shqiptare në mbarë botën. Në fjalën e tij, Bushati shprehu bindjen se ky samit do të çelë një kapitull të ri për shqiptarët kudo që ata jetojnë.
